Ixquic
Wachi' c'ut utzijoxic jun k'apoj, umia'l jun ajaw Cuchumaquic' ubi': Are c'ut tak xuta' jun k'apoj, umia'l un ajaw, Chchumaquic' ubi' rajaw, Ixquic' c'ut ubi' ri k'apoj, aretak xuta' c'ut utzijoxic ri uwach che', rumal rajaw, xumaija'j rib che le tzijoxic. Jasche' ba' man quinwila' ri che cbixic? La tzij kas uwach quecha' quinto. Xcha' c'ut.
C'ate xe' xakxwi utuquel, xopan c'ut chue' le che' tac'al chi Pakbal chj.
- Jas cuya'? Jachique uwach wa'le che'? Jasche tajin wachi'n we che'? Man quincam taj, man quinsach taj, we quinch'up jun? Xcha' c'ut ri k'apoj.
Aretak xch'aw c'ut ri bak c'o chuxo'l le che':
- Jas carayij chke xa uj bak c'oloc'onak chuxo'l uk'ab le che'? Xcha' ri ujolom Hunhunahpu, aretak xch'aw che ri k'apoj: La cujarayij? Xuchuxic.
- Quinrayij! Xcha' c'ut ri k'apoj.
- Utz ba' ri', Chalic'ba' lok ri awiquik'ab, wilana! Xcha'ri bak.
- Je'! Xcha' c'ut ri k'apoj, xulic'ba' ak'anok uwiquik'ab chuwach le bak.
C'ate c'ut xuban uchub le bak aretak xpetic takal c'ut pa uk'ab ri k'apoj; xril c'ut upuk'ab jas xunic'oj, maj jubik' uchub le bak, pa le uk'ab.
- Xa retal xuya' chawe ri nchub, ri nc'axaj, are ri njolom man jubik' cchacun taj chic, xa bak, maj chic uchac. Je' wa' le quijolom le nim ajaw, xakxwi utiojil utz ri uwach, are c'ut tak quecamic cuxibij ri winak rumal ubakil. Je' c'ut jas c'ojol quel le chub, c'axaj, are uc'ojol ajno'j, ajucha'n. Maj csach wi we quebe'c, xa ctzakatajic, man cchup taj. Man chequ'is taj ri ajno'j, ajucha'n, checanaj canok quiija' cuc' quimia'l, quic'ojol! Je' wa' sinban chawe. Catak'an c'ut chila', chuwach le ulew, man catcam taj, at c'o pa tzij, je bim chic wa'. Xcha' ri ujolom Hunhunahpu, Wukubhunahpu.
Xawi quino'j le xquibano, are utzij Hunrakan, Ch'ipi Cakulja, Rax Cakulja.
Xtzalej c'ut chic ri k'apoj pa rachoch, qu'ia pixab xbic che; je' c'ut xwinakir ral chupam rumal xa chub, are quiwinakiric Hunahpu Xbalanque...
C'ate xe' xakxwi utuquel, xopan c'ut chue' le che' tac'al chi Pakbal chj.
- Jas cuya'? Jachique uwach wa'le che'? Jasche tajin wachi'n we che'? Man quincam taj, man quinsach taj, we quinch'up jun? Xcha' c'ut ri k'apoj.
Aretak xch'aw c'ut ri bak c'o chuxo'l le che':
- Jas carayij chke xa uj bak c'oloc'onak chuxo'l uk'ab le che'? Xcha' ri ujolom Hunhunahpu, aretak xch'aw che ri k'apoj: La cujarayij? Xuchuxic.
- Quinrayij! Xcha' c'ut ri k'apoj.
- Utz ba' ri', Chalic'ba' lok ri awiquik'ab, wilana! Xcha'ri bak.
- Je'! Xcha' c'ut ri k'apoj, xulic'ba' ak'anok uwiquik'ab chuwach le bak.
C'ate c'ut xuban uchub le bak aretak xpetic takal c'ut pa uk'ab ri k'apoj; xril c'ut upuk'ab jas xunic'oj, maj jubik' uchub le bak, pa le uk'ab.
- Xa retal xuya' chawe ri nchub, ri nc'axaj, are ri njolom man jubik' cchacun taj chic, xa bak, maj chic uchac. Je' wa' le quijolom le nim ajaw, xakxwi utiojil utz ri uwach, are c'ut tak quecamic cuxibij ri winak rumal ubakil. Je' c'ut jas c'ojol quel le chub, c'axaj, are uc'ojol ajno'j, ajucha'n. Maj csach wi we quebe'c, xa ctzakatajic, man cchup taj. Man chequ'is taj ri ajno'j, ajucha'n, checanaj canok quiija' cuc' quimia'l, quic'ojol! Je' wa' sinban chawe. Catak'an c'ut chila', chuwach le ulew, man catcam taj, at c'o pa tzij, je bim chic wa'. Xcha' ri ujolom Hunhunahpu, Wukubhunahpu.
Xawi quino'j le xquibano, are utzij Hunrakan, Ch'ipi Cakulja, Rax Cakulja.
Xtzalej c'ut chic ri k'apoj pa rachoch, qu'ia pixab xbic che; je' c'ut xwinakir ral chupam rumal xa chub, are quiwinakiric Hunahpu Xbalanque...
(Pop Wuj, tomado del Manual de aprendizaje de la lengua Quiche, CALUSAC 1982)
Entradas
No hay comentarios:
Publicar un comentario